florin

Florin, m. acut. Est une espece de monnoye d'or, dont diverses nations ont usé sous mesme nom, mais non sous mesme coing ne valeur. En France il estoit marqué de fleurs de lis sans nombre, qu'on appelle, Semé, et estoit aussi appelé Franc, parce paradventure qu'il estoit de valeur du franc à cheval, qui est de vingt sols. Et quant au nom de florin, il l'a eu tel envers les Florentins aussi, parce que la fleur de lis y estoit emprainte. És païs de Languedoc et autres adjacents le nom de Florin demeure valant quinze sols tournois, mais l'espece de monnoye ne court plus, qui peut estre la cause qu'on nommoit anciennement le haut florin, Florin d'or. L'Italien dit Fiorino. Ricordano Malespini, au chap. 3. de son histoire de Florence: Negli anni di Christo M.CC.LI. Imercacanti per honore del Commune una col populo, e col commune ordinarono che si facesse moneta d'oro, che in prima batteano moneta d'argento di danari dodeci l'uno. Et allhora si ricommincio la buona moneta de'fiorini d'oro fino di ventiquatro caratti. Et contavasi l'uno soldi venti al tempo di M. Philippo Ugoni, podesta di Fiorenza. Iquali fiorini pesavano gli otto oncia una. Et dall'uno lato la pronta di S. Giovanni Battista, e dall'altro ilgiglio. Et au chap. 161. Per lo simile modo, lire cento era commune dota, e lire dugento o trecento in quello tempo era tenuta dota grandissima avvegna che i fiorini valessero soldi venti. Nicole Gilles en la vie du Roy Jehan: En l'an 1354. Le Roy fit faire florins d'or à l'aignel, et en donnoit-on 52. au marc d'or fin, et defendit le cours de tous autres florins. Et peu apres. Et pource qu'il avoit entendu que ses subjects se tenoient greuez de la mutation qu'il avoit faicte de la monnoye, il offrit à faire forte monnoye et durable, mais qu'on luy fist aide suffisante.

Thresor de la langue françoyse. Jean Nicot.